* मुलगी जन्मल्यास प्रसूतीचा संपूर्ण खर्च माफ ..खंडागळे मल्टीस्येशालिटी हॉस्पिटलचा कौतुकास्यद उपक्रम....

*मुलगी जन्माला आली आणि चिंता मिटली उपक्रमामुळे अनेकांच्या चेहच्यावर सुखद आनंद...*,

सांगोला (प्रतिनिधी) बेटी बचाव बेटी पढाओ, मुलगी वाचवा देश वाचवा ,असा प्रसिद्धी आणि प्रचार केंद्र व राज्यशासन तसेच अनेक संघटना  करत आहेत, मात्र, ना घोषणा ,ना जीआर ,याची प्रत्यक्षात थेट अंमलबजावणी सांगोला शहरातील डॉ.परेश खंडागळे आणि डॉ. स्वाती खंडागळे यांच्या खंडागळे मल्टीस्पेशालिटी हॉस्पिटल कडलास रोड सांगोला येथे होत आहे. मुलगी जन्माला आल्या नंतर नॉर्मल प्रसूतीसाठी येणारा दवाखान्याचा संपूर्ण खर्च माफ करून खंडागळे मल्टीस्पेशालिटी हॉस्पिटलने एक आगळा वेगळा उपक्रम हाती घेतला आहे. आणि याचे सर्व स्तरातून कौतुक केले जात  आहे.
मुलाप्रमाणे मुलींच्या जन्माचे स्वागत व्हावे, मुलीचा जन्मदर वाढावा म्हणून स्त्री जन्माचे  अनोखे स्वागत करण्यासाठी खंडागळे मल्टीस्पेशालिटी हॉस्पिटल च्या माध्यमातून नाविन्यपूर्ण उपक्रम राबविला जाणार आहे. कन्यारत्न जन्मल्यास नॉर्मल डिलिव्हरीचे हॉस्पिटल बिल पूर्ण माफ केले जाणार आहे. व सिजेरियन झाल्यास हॉस्पिटल बिलामध्ये सवलत देण्यात येईल अशी माहिती खंडागळे मल्टी स्पेशालिटी हॉस्पिटलचे प्रमुख डॉ. परेश खंडागळे यांनी दिली आहे.सदर उपक्रम अमर्यादित काळासाठी पुढे सुरू राहणार आहे. तरी सांगोला शहर आणि तालुक्यातील रुग्णांनी या अनोख्या योजनेचा लाभ घेण्याचे आवाहन डॉ. परेश खंडागळे, डॉ.स्वाती परेश खंडागळे यांनी केले आहे.